Axenda 2030 🌱

A colaboración entre o Departamento de Promoción Económica do Concello de Santiago de Compostela, no marco da Axenda Urbana 2030, e o Centro Xove é un exemplo claro de como a sinerxia entre diferentes axentes pode contribuír ao logro dos obxectivos relevantes para a nosa cidade.

O obxectivo desta colaboración é contribuír á consecución da Axenda Urbana 2030 do Concello de Santiago de Compostela. A través da mesma, o Centro Xove recibiu financiamento para levar a cabo diversas actividades para a mocidade compostela. Grazas a ese apoio esencial, ampliamos a nosa oferta formativa para bandas e persoas usuarias do Centro Xove, de maneira aliñada cos valores da Axenda Urbana 2030.

Actividades da Axenda Urbana 2030 no Centro Xove

Ditas actividades teñen sempre como eixo principal o programa Participa! do Centro Xove, no que a mocidade pode achegar ideas e propoñer actividades partindo dos seus intereses. Destacan por ser formacións que implican accións en liña cos diferentes punto da Axenda Urbana 2030, como a sensibilización sobre a necesidade de preservar o medio ambiente, autocoidado, lecer, implicación cidadá nos espazos municipais, etc. Tamén se financiaron actividades encamiñadas á promoción da vida saudable e para o desenvolvemento das nosas bandas residentes nos locais municipais, creando importantes oportunidades formativas para o centro. Podes consultar a primeira batería de propostas aquí.

A colaboración establecida cos diferentes departamentos do Concello de Santiago, alén da propia Concellaría de Mocidade que nos respalda como espazo, non só ten un impacto positivo na cidade. Tamén é unha fonte de inspiración para outras organizacións que traballan para lograr os obxectivos da Axenda Urbana 2030, que son benvidas no Centro Xove. Poñemos de manifesto a importancia de traballar xuntos para facer fronte aos desafíos que presenta o desenvolvemento sustentable.

Se queres estar ao tanto das últimas novidades e actividades que se desenvolven no marco da Axenda Urbana 2030 do Concello de Santiago de Compostela, non dubides en subscribirte ó seu newsletter. O boletín electrónico é unha excelente ferramenta para estar informado sobre as accións que se están levando a cabo na cidade para lograr un futuro máis sostible.

Se precisas máis información sobre as actividades ou esta colaboración, tamén podes contactar co equipo do Centro Xove!