O servizo de coaching para bandas do Centro Xove busca asesorar e orientar ós grupos residentes nos locais municipais de ensaio do Concello de Santiago de Compostela. O noso obxectivo é axudarvos a crecer como músicos, tanto de xeito individual como colectivo!
Co servizo podes obter ferramentas centradas en axudarte a atopar os recursos para acadar os teus obxectivos na música. Tamén é a única forma de acceder ó noso estudio de gravación.
Qué é o coaching para bandas?
Un coach de bandas é unha figura de mediación. O seu traballo pon ó teu alcance toda a súa experiencia, orientada ás necesidades da túa banda, co obxectivo de axudarvos a medrar.
Lóxicamente, o noso coaching para bandas baséase nunha relación confidencial e profesional entre o mediador e a banda. Por iso, traballamos nun modelo de proximidade, centrado nos grupos que ensaian nos locais municipais (por certo, se queres participar, podes inscribirte aquí).
O obxectivo é potenciar os puntos fortes do conxunto a nivel musical, pero tamén dun xeito individual. Tamén proporcionar coñecementos sobre outros elementos arredor da propia música e da vida de banda, e que ides atopar nalgún momento da vosa andaina musical.
Trátase de facilitar ferramentas para enfocar correctamente os esforzos e a creatividade, e así superar dificultades que aparezan no camiño. As oportunidades non só dependen de factores externos, senón tamén da propia capacidade do músico para crealas. E, nese sentido, o equipo do Centro Xove está coa vosa banda.
Cales son os requisitos para beneficiarse do servizo?
O servizo de coaching para bandas vai incluido nos servizos que proporcionamos ás bandas residentes. É dicir: todos os grupos do Centro Xove poden solicitalo en calquera momento, e de forma totalmente gratuita.
Como solicito unha visita?
Se queres que o noso equipo atenda á túa banda, poderás solicitar a túa visita polas canles habituais (de forma presencial no espazo, enviando un correo electrónico a info@centroxove.com, chamando ou enviando un WhatsApp/Telegram).
De forma concreta, poderás solicitar:
- Sesión co mediador musical: o responsable de mediar coas bandas pasará polo voso ensaio no horario habitual da vosa banda, para traballar directamente con vós en todo o que precisedes (dende comentar novos temas, gravacións en estudio, harmonizar temas, arranxos, branding musical, etc.). Este apartado será dinamizado por Guillermo Vistoso: compositor, cantante e guitarrista, ademáis de músico profesional, freelance de directo e estudio dende 2016.
- Visita do equipo técnico: no caso de que precises axuda técnica (por exemplo, para conectar equipos específicos que traedes ós ensaios, preparar o rider dun concerto, etc.), podedes solicitar que o técnico de son do Centro Xove visite á vosa banda durante un ensaio. Este apartado será dinamizado polo persoal técnico do centro.
- Ademais, o equipo do servizo de coaching para bandas levará a cabo visitas adicionais para interesarse polo voso proxecto. Estas visitas son totalmente voluntarias, tendo lugar de cando en vez. O obxectivo é coñecer mellor ós grupos residentes, dinamizar o voso traballo pola rede e apoiar ó voso proxecto musical! Este apartado será dinamizado por calquer persoa do equipo do Centro Xove.
Queda algunha dúbida?
Queres comentar algunha cousa? Dúbidas? Podes contactar co Centro Xove e recibir atención totalmente personalizada.