Boas prácticas nos locais de ensaio

o accede para ver este curso.

O curso de boas prácticas nos locais de ensaio é contido deseñado polo equipo do Centro Xove por e para as nosas bandas residentes.

Nesta formación imos falar polo miúdo de absolutamente todo o que importa para sacar todo o partido ós locais. En concreto:

  • Coñecerás as nosas salas e espazos para bandas
  • Repasaremos os equipos e posibilidades dos locais
  • Comentaremos as normas e uso axeitado das instalacións

Por iso, consideramos que todo grupo de música que ensaie no Centro Xove de Creación Cultural debería realizar este curso. Non só por sacarlle máis partido ás salas, senón porque é unha forma estupenda de desfrutar das mesmas e mellorar a convivencia. Como sempre dicimos: os locais municipais de ensaio son vosos e nosos, de toda a cidadanía de Compostela. Por iso, queremos que os desfrutedes, sí, pero tamén que aprendades a coidalos.

Para quen está indicado este curso?

Como dicimos, é un curso aberto a quen queira facelo, pero foi deseñado pensando nas bandas residentes dos locais de música do Centro Xove de Creación Cultural.

Lóxicamente, tamén para as persoas que fagan uso puntual das nosas salas ou estudio de gravación. Ou que teñan curiosidade por como funciona todo aquí!

Debo facelo antes de comezar os meus ensaios?

O equipo do Centro Xove considera esencial todo o que recollemos nesta formación.

Por iso, asumimos que no momento en que comezas a ensaiar con nós os coñecementos desta formación están claros para todas as persoas que participan da banda residente. É dicir: que recomendamos moi moito que a fagas 🙂 Non só porque sacarás máis partido ós locais, senón tamén porque aprenderás o esencial para coidalos e ser parte da nosa comunidade.

É moi longo o curso?

Non. Ademais de ser unha formación esencial, tentamos facela o máis amena posible, para que desfrutes aínda máis dos locais.

Teño dúbidas/quero inscribirme nos locais coa miña banda:

Se queres formar parte das bandas residentes, podes inscribirte aquí.

Por outra banda, no caso de que teñas algunha dúbida, podes contactar co Centro Xove. No caso de que sexas unha banda xa residente e precises ampliar ou aclarar os conceptos recollidos nesta formación, enviaremos a alguén do equipo do CX presencialmente ó teu ensaio!

Lección

1
Precisas algo?
Falar con webs non mola.
Queres falar cunha persoa?