Ola, cantantes de toda condición!
Presentamos o terceiro módulo do Laboratorio Coral.
Desta volta poderedes aprender e enviarnos a vosa gravación da canción “Siyahamba”, un himno surafricano en lingua zulú, moi popular no repertorio de coros de todo o mundo.
Ten un carácter dobre, tanto de himno relixioso como de canción protesta, e musicalmente é moi viva e alegre de cantar.
Esperamos que vos guste e que enviedes axiña as gravacións da vosa parte (soprano, alto, tenor ou baixo). Estamos desexando oír todas esas voces!
Se hai suficientes gravacións, poderemos montalas e editalas xuntas para publicar o resultado nas nosa redes.
Calquera dúbida e suxerencia, podedes escribir a xabier.mera@centroxove.com
