Laboratorio de Guitarra 1

Laboratorio de guitarra 1 cursos centro xove
o accede para ver este curso.

Laboratorio de Guitarra 1 consiste nun conxunto de 10 vídeos para formarte neste instrumento!

Partimos dunha introdución sinxela, e imos complicando a cousa pouquiño a pouco. Exploramos e experimentamos coa guitarra, aprendendo a aplicar a o aprendido e nocións básicas do instrumento a través dun percorrido por temas cos que desfrutarás.

Máis detalles sobre o Laboratorio de Guitarra 1

Este Laboratorio de Guitarra 1 consta de vídeos e tutoriais dirixidos a guitarristas que comenzan a súa andaina ou teñen nocións moi básicas do instrumento.

Na formación aprenderemos acordes maiores e menores, entrando na súa correcta execución. Acadarás un son claro, practicando pouco a pouco na túa casa a través dun percorrido por temas moi coñecidos da cultura popular.

Ditos temas servirán para que practiques diferentes técnicas e estilos musicais. Nomeadamente, aprenderás:

  • Rasgueo e ritmo.
  • Técnicas como o muteo ou parada das cordas.
  • Contras.
  • Introdución ó uso do polgar.
  • Pequenos arranxos sobre bases rítmicas.
  • Introdución ó ritmo e compás (4/4 e 6/8).

O responsable deste Laboratorio de Guitarra 1 do Centro Xove de Creación Cultural é Miguel Ángel Martínez Noriega.

É compositor, creando varios discos endiferentes bandas e compoñendo para anuncios publicitarios mesmo en RTVE. Ademais, é músico profesional multiinstrumentista, mestre de gaita asturiana e guitarra, certificado en diferentes escolas de Madrid, Galicia, Asturias e Cantabria. Acumula máis de vinte anos de experiencia docente no ámbito da cultura en xeral, e da música en particular.

Podes contactar con Miguel en miguel.martinez@centroxove.com antes de comezar o curso para resolver calquer dúbida!

Preciso algo para o curso?

Tan só a túa guitarra, afinador e puga.

Lembra que podes atopar afinadores en liña e mesmo aplicacións para móbil gratuitas!

É preciso que teña experiencia musical ou coñecementos de solfexo?

Non. Comezamos dende a base!

Canto dura o Laboratorio de Guitarra 1?

O tempo mínimo é o visionado dos vídeos, que dependerá do teu nivel de implicación.

Recomendamos adicar un mínimo de media hora diaria á práctica, visionando a un ritmo de un vídeo por semana.

Iso implicaría unha duración aproximada de tres meses, cun compromiso semanal de entre dúas e catro horas de práctica (idealmente).

Cales son os obxectivos xerais da formación?

  • Recoñecemento e correcta execución dos acordes menores e maiores básicos
  • Control do ritmo coa man, aprendendo rasgueos e uso da puga.
  • Dominar e aplicar a técnica do polgar.
  • Diferenciación e coordinación entre mans.
  • Interpretación de temas recomendados.

Información orientativa sobre as sesións

  1. Introdución/presentación.
  2. Acordes sol maior, mi menor, do maior y re maior. Aprendendo a contar. Compás de 4/4. Canción Stand by me.
  3. Acorde la menor. Canción Knockin on heavens door.
  4. Acordes mi e la maior. Canción These boots are made for walking.
  5. Acorde re menor, contras, uso do metrónomo, muteo e parada de cordas. Canción Burnin´n and lootin´.
  6. Acorde fa maior, uso da puga, muteo. Canción Another brick in the wall.
  7. Repaso acordes estudados nos anteriores vídeos e compás de 6/8. Canción House of the rising sun.
  8. Repaso acordes anteriores. Canción Hotel California.
  9. Acorde de si menor. Canción Confortable Numb.
  10. Acorde si maior. Canción Sould I stay or should I go.

Que vou aprender que non sabía xa no Laboratorio de Guitarra 1?

Ó recomendarse para persoas que comezan na guitarra, asumimos que progresarás acadando todos os obxectivos indicados previamente. Coñecerás, en suma, o básico para desfrutar co instrumento e experimentar!

Se tiveses algunha dúbida, lembra que podes contactar co equipo do Centro Xove antes de comezar no Laboratorio de Guitarra 1.

Lecciones

1
Precisas algo?
Falar con webs non mola.
Queres falar cunha persoa?