Queres enviar proxectos ó Centro Xove de Creación Cultural. Perfecto! Estamos desexando recibilos!
Para nós, é fundamental que todo o mundo poida sumar á nosa programación. Non só desfrutando da mesma, senón tamén promovendo novas ideas, actividades, propostas e un etcétera infinito. Participar é moi sinxelo.
Como podo enviar proxectos ó Centro Xove de Creación Cultural? Participa!
Para enviar proxectos ó Centro Xove, o primeiro é situar ben a túa idea.
Actualmente, contamos con tres liñas diferenciadas, e que son:
- Delegación de proxectos: lanzas a túa proposta, que pasa a xestionar íntegramente o equipo do Centro Xove.
- Proxectos mediados: achegas a túa idea, e fas realidade á mesma coa mediación do equipo do Centro Xove.
- Proxectos pechados: ti aportas e xestionas a idea. Nós facilitamos o espazo e/ou recursos dende o Centro Xove.
Calquer proposta chegará sempre ó Departamento de Animación Sociocultural do Centro Xove. Non te preocupes: entraremos en contacto contigo para confirmar que recibimos a túa achega. Despois, xa falamos polo miúdo!
E como valorades as propostas que recibides?
Como podes imaxinar, non é posible facer realidade absolutamente todas as ideas, propostas, programas e suxestións do mundo. Xa nos gustaría!
Por iso, e porque o Centro Xove de Creación Cultural é un espazo orientado á mocidade de Santiago de Compostela, valoramos moi favorablemente que as propostas:
- Partan de persoas empadroadas no Concello de Santiago de Compostela. A máis xentiña, mellor!
- Que ditas persoas teñan unha media de idade entre 14 e 35 anos.
- Teñan como destinarias ás persoas usuarias do Centro Xove ou á mocidade de Compostela.
- Poñan o acento na creación de redes sociais, lecer e dinamización da cultura.
- Integren un compromiso co benestar social, o respecto e a igualdade entre persoas.
- Supoñan un proxecto innovador, que non teñamos realizado ou cubra unha necesidade existente.
- Aposte por tecnoloxías da información e a comunicación en formatos innovadores.
Para facilitar as cousas, podes empregar modelo de proposta para o Centro Xove de Creación Cultural, que inclúe a información esencial que precisamos. Se tiveses algunha dúbida, podes escribirnos a info@centroxove.com, chamar ou enviar unha mensaxe vía WhatsApp/Telegram ó 722 720 992.
Moitas grazas por enviar proxectos ó Centro Xove!
