Espazos do Cx
Sala Principal
Este é o espazo principal do Centro Xove, no que realizamos formacións e eventos de todo tipo.
Conta con escenario, caixa negra, equipo de son e iluminación, e un montón de cousiñas xeitosas. Se cadra queda feo que o digamos nós, pero a verdade é que está moi ben equipada.
Locais de ensaio
Contamos con 3 locais de ensaio para a mocidade, de uso libre, limitado e gratuito para as bandas de Santiago de Compostela.
Cada un dos locais é independente, conta co seu equipo, e cédese un mínimo de dúas horas por semana a cada grupo.
Estudio de gravación
Dentro do Centro Xove temos un pequeno estudio de gravación para as bandas residentes dos locais.
Temos a capacidade de materializar pequenas producións grazas ao noso técnico de son e equipo propio. É un servizo exclusivo para gravar demos e maquetas dos grupos residentes.
Sala de xuntas
No Centro Xove temos unha sala de xuntas para pequenas reunións. Desas chulas, con cristais nos que podes escribir e ben equipada.
Se queres, podes reservala para formacións en pequeno formato, xuntanzas ou usos semellantes que poidas precisar.
Sala de informática
Facilitamos un punto de acceso á Internet WiFi, no que poderás utilizar o teu portátil, cargar móbiles e gozar da rede.
Esta sala de informática non require reserva. No futuro instalaremos portátiles propios; polo de agora, debes traer o teu!
Outros servizos
No Centro Xove podemos (e queremos) adaptarnos ás túas necesidades. Se precisas algo en concreto, fala co noso equipo.
Consúltanos sobre a nosa ludoteca, zonas de intercambio cultural, servizos de préstamo de equipo para músicos e moitas opcións adicionais.