Estudo de gravación

O estudio de gravación do Centro Xove está a disposición de todas as bandas residentes nos locais municipais de ensaio do Concello de Santiago de Compostela.

En concreto, cando falamos de estudo, facemos referencia a un servizo para pequenas producións como demos e maquetas. Conta coas seguintes capacidades:

• Equipo propio e habitual dispoñible nos locais de ensaio.
• O estudio está sonorizado e insonorizado, mellorando a produción resultante.
• Dispoñibilidade dun técnico de son propio, cun enfoque didáctico e formativo, que axudará e guiará ás bandas residentes para producir os seus temas.
• Contamos cun ordenador de produción, mesa de misturas, altofalantes e zona para o técnico separada por cristal.
• Posibilidade de gravar videoclips e editar o propio vídeo co noso computador.
• Accesible para persoas con mobilidade reducida.

En xeral, pensamos no noso estudio de gravación como un lugar no que familiarizarse co mundo da gravación e produción, ofrecéndolles así servizos para a profesionalización ás nosas bandas.

Son unha banda residente: como podo solicitar o estudio?

Só poden facer uso do estudio de gravación do Centro Xove as bandas residentes, ou os grupos e persoas usuarias, ao abeiro das normas de uso do centro. Para solicitalo, debes:

• Ser unha banda residente e solicitar a gravación dentro do servizo de coaching para bandas, remitindo un correo vía info@centroxove.com. O noso obxectivo é que se faga un uso razoable do servizo, asegurándonos de que concorren grupos preparados para gravar. De non ser así, rexeitaremos a solicitude pero ofreceremos a formación precisa para que poidas concorrer cando a túa banda esté preparada.
• Unha vez validada a túa solicitude e a nosa dispoñibilidade, acordaremos unha data e espazo de gravación. Se eres banda residente, poderás elixir un horario segundo dispoñibilidade (de martes a venres de 10 a 14 ou sábados de 16 a 21). Terás que avisar cun mínimo de sete días de antelación.
• O servizo de coaching musical inclúe apoio e seguemento de principio a fin, ata que quede listo o teu tema! Tamén podes vir co teu propio técnico pero, nese caso, deberá acreditar a súa formación para poder empregar os equipos, e deixar todo como o atopou.

E se non formo parte dunha banda residente?

• No caso de ser unha solicitude de uso puntual, só poderás gravar os sábados de 16 a 21 horas, sempre previa aprobación dunha solicitude de uso do Centro Xove (instancia de uso xeral, que podes tramitar aquí). Será sempre decisión municipal resolver a mesma.
• No caso de que concorras pola túa conta e con técnico propio, solicitaremos a titulación que acredite que a persoa que xestionará os equipos nesa data ten formación e capacidade para facelo con seguridade. De non contar con ela, será precisa a supervisión dos técnicos do Centro Xove, e pactar previamente o horario dispoñible segundo a capacidade do espazo.

O motivo polo que o estudio funciona en horarios pactados ou de forma exclusiva en horario de sábados, usualmente entre as 16 e as 21 horas da tarde, é debido a que o resto do centro debe cesar a súa actividade para garantir o silencio e facilitar a calidade da gravación.

Outras consideracións sobre o estudio de gravación do Centro Xove de Creación Cultural

O noso estudio de gravación, como todos os servizos e espazos do Centro Xove, é de uso público e gratuíto, xa que logo está subvencionado pola Concellaría de Mocidade. Tamén é posible empregar outros espazos para gravar, sempre e cando haxa dispoñibilidade.

O noso é un servizo de formación e profesionalización para bandas emerxentes, unha sorte de estudio de gravación básico e didáctico. Para nós, o importante é que os grupos accedan á experiencia de gravar, entender como funciona un estudio e lograr producións propias e dignas. Para que, despois, poidan dar o salto a outros espazos da cidade!

Listo para gravar no estudio de gravación do Centro Xove? Preme no botón inferior, e falemos da túa banda!