Información esencial do Festival Lanzadeira CX
- Ubicación do evento: Praza do 8 de Marzo
- Data e horarios: venres 30 de setembro de 18 a 22:30
- Entradas: gratuito e aberto
Información actualizada o 29/9/2022. Informaremos por esta mesma vía de calquer cambio!
Máis detalles sobre o proxecto:
O I Festival Lanzadeira CX pretende dar visibilidade ó fantástico traballo que realizan as bandas residentes no Centro Xove de Creación Cultural, onde se ubican os locais municipais de ensaio do Concello de Santiago de Compostela.
É unha iniciativa promovida pola Concellaría de Mocidade, na que 7 grupos de música do Centro Xove realizan unha formación específica para:
- Producir e gravar un tema por banda
- Preparar un concerto en directo
- Presentar o seu repertorio ó público no Festival Lanzadeira CX
Ademais, o festival conta cunha banda invitada, que encabeza o cartel.
O obxectivo desta iniciativa, cunha duración de 4 meses, é impulsar a profesionalización, repertorio e experiencias ao vivo dos grupos do Centro Xove de Creación Cultural. Agradecemos a vosa difusión e presencia no concerto, xa que é a mellor maneira de respaldar o traballo das bandas mozas de Compostela e desfrutar ó máximo do concerto!
Artistas que actúan no festival:
Nesta primeira edición 2022, os grupos participantes son:
- Lidia L. Chao
- Termotalina
- Chanze
- Starburst
- Futuro Alcalde
- Killo Karallo
- Soulwide
- Biribirlocke (banda invitada)
O cartaz e toda a información pode descargarse aquí ou verse de seguido.
Se precisas máis información, podes contactar co Centro Xove, enviarnos un WhatsApp/Telegram ó 722 720 992 ou chamarnos. Vémonos o día 30!
