No Centro Xove lanzamos o I Punto e Volta os días 7 e 8 de setembro. IMPORTANTE: todas as actividades do día 7 foron movidas ó CSC das Fontiñas debido a un mantemento de urxencia no Centro Xove. O día 8 terán lugar no Centro Xove con normalidade.
Un evento centrado na música e o baile tradicional galegos, cunha morea de actividades moi especial!
Programa do I Punto e Volta
O programa Punto e Volta I consta de actividades os días 7 e 8 de setembro no propio Centro Xove. Todas son subvencionadas pola Concellaría de Mocidade do Concello de Santiago de Compostela, de maneira que calquer persoa pode participar.
Ademais das actividades, que teñen aforo limitado, teremos unha gran foliada o xoves 8 ás 20:30, de entrada gratuíta ata completar aforo.
Como podo inscribirme nas actividades?
Se queres inscribirte, abonda con que envíes un correo a info@centroxove.com cos teus datos (nome e apelidos, DNI, teléfono, correo electrónico, data de nacemento e indicación de empadroamento – ou non – en Santiago de Compostela). Tamén podes facelo vía WhatsApp/Telegram no 722 720 992, ou presencialmente no propio Centro Xove. Se tiveses algunha dúbida, escríbenos!
