Dende o Centro Xove encamiñámonos cara a un futuro sostible con base na:
- Transformación da sociedade moza, acompañando dun cambio de pensamento, conduta e hábitos de vida.
- Impulsar á mocidade, transformando a sociedade, para contribuir a acadar os ODS da Axenda 2030.
Para iso, os Proxectos Axenda Urbana 2030 son unha resposta para achegar á mocidade ditos obxectivos municipais. Representan unha forma de apoio do Departamento de Promoción Económica ó espazo cunha batería de actividades.
- Cando pode inscribirse a xente? 30 de marzo ó 8 de abril, ambos incluidos.
- Como poden facelo? De maneira presencial ou telemáticamente, na web do CX. As nosas canles habituais son presenciais e dixitais (mail, whatsapp, etc.).
- Cando comezan as actividades? Luns 10 de abril
- E ata cando terán lugar? Ata o mes de novembro, en diferentes actividades.
- A quen van dirixidas: Mocidade de 14-35 anos, empadroada no concello de Santiago, prioritariamente.
- Onde terán lugar? No propio Centro Xove (agás nas saídas pola contorna).
RESUMO DE ACTIVIDADES PROPOSTAS:
- Iniciación ó xornalismo: creación dunha revista propia, que será publicada e difundida nas redes sociais e web, aportando as inquedanzas e perspectivas da mocidade participante. Creación dun podcast propio. Tódolos Xoves de Abril a Xuño de 19 a 21h.
- Videoarte: inmersión colectiva na creación dun produto audiovisual grupal centrado na arte como disciplina e íntegramente en galego. Tódolos martes de 18 a 20h de Abril a Xullo.
- Obradoiros de formación para bandas: do local de ensaio ao directo Pretendese transmitir á mocidade coñecementos sobre o funcionamento do sector musical e cales son as tarefas que desenvolven os distintos profesionais e empresas que o conforman. O obradoiro traerá a persoal destacado do sector en formato masterclass. Dous sábados o mes de Abril a Novembro.
- Serigrafiando e recreando identidades: Con todo tipo de material que podíamos recuperar e atopemos, reciclamos e dámoslle nova vida noutras pezas. Esta roupa zero waste será agasallada ás persoas participantes e á cidadanía, promocionando aínda máis este movemento e a nosa acción. Tódolos mércores de 19:30 a 21:30 de Abril a Xullo.
- Botánica e saídas culturais: Andaina dende o río Sarela até a Selva Negra, explicando e identificando as especies botánicas do lugar e os seus usos populares. Importante: non é unha actividade na que se oferte consello médico e/ou de saúde. O vindeiro sábado 6 de Maio.
- Artes Performativas: Queremos promover unha vida sana e o benestar das persoas participantes do Centro Xove. Por iso, propoñemos aprender performance, teatro, teatro musical e cabaret… posta en escena! Facémolo a través desta actividade anual, onde exploramos un espectáculo de vangarda no que se combina elementos de artes e campos diversos, como a música, a danza,o teatro e as artes plásticas. Un obradoiro onde explorar e desfrutar, e que podería mesmo enriquecer ás nosas bandas residentes (como colaboración nas súas actuacións, videoclips, etc.). Tódolos venres de 19 a 21h de Abril a Xullo.
- Cociña ecolóxica: Buscamos unha mellora da alimentación a través do acceso de tódalas persoas a unha alimentación sana e nutritiva. Consumo sostible e hábitos saudables guiados por profesionais da gastronomía en pequenas sesións para aprender cociñando. Tódolos luns de 19 a 21h de Abril a Xuño.
- O café das 18: Grupos de conversa e conexión da mocidade. Fomentaremos un espazo de encontro onde a mocidade teña un espazo para falar e ser escoitados, traballando así o seu benestar emocional e tratando temas mensuais con profesionais que traten temas de interese que salgan do diálogo de grupo. Tódolos días en horario de tarde.
