Queres mellorar a túa técnica vocal ou formación instrumental de xeito individual? Isto é para ti!
Se xa participas do Centro Xove, xa sexa porque estás no coro ou nunha das bandas dos locais municipais de ensaio, podes acceder a este servizo personalizado de formación no eido da música. Co noso apoio, poderás preparar máis e mellor o teu repertorio, facer arranxos vocais ou mellorar a túa precisión ao tocar/cantar, entre outros!
Como funciona o servizo de formación en técnica vocal e formación instrumental?
Nas titorías en técnica vocal e formación instrumental poderás pulir todos esos puntos nos que dubidas á hora de executar os teus temas, e ir subindo o teu nivel musical!
En concreto, ofertamos as seguintes disciplinas musicais:
- Técnica vocal e canto
- Guitarra
- Baixo
- Batería
- Piano
É unha formación pensada para complementar a que xa recibes pola túa conta, nos nosos cursos ou, por suposto, contribuir ó avance do proxecto da túa banda residente no Centro Xove.
Quen pode solicitalo?
Calquer persoa usuaria do Centro Xove de Creación Cultural poderá solicitar este servizo, orientado de forma preferente a:
- Persoas inscritas nas actividades do centro ou das nosas bandas residentes nos locais de ensaio.
- Cidadanía de 14 a 35 anos, empadroada en Santiago de Compostela.
Como detalle relevante, non é preciso que teñas experiencia nin formación previa, abonda con interese pola música!
As aulas serán impartidas polo noso mediador, Guillermo Vistoso, compositor, cantante e guitarrista. É músico profesional freelance de directo e estudio dende 2016, ademais de docente no Centro Xove.
Como solicito a miña sesión?
Para participar, basta con que nos envíes un correo a info@centroxove.com, unha mensaxe por WhatsApp/Telegram, chames ou axendes presencialmente a túa sesión co equipo do centro. Agás por causa de forza maior, as sesións serán sempre presenciais no propio espazo.
Podes escoller o teu horario preferente dentro das seguintes alternativas:
- Martes: de 11:00 a 11:45 horas
- Martes: de 19:30 a 20:15 horas
- Mércores: 16:30 a 17:15 horas
No caso de que precises un horario específico, podes contactarnos e tentaremos adaptarnos no posible. As solicitudes tramitaránse sempre dunha semana á outra (é dicir: se solicitas esta semana, a formación terá lugar na seguinte).
Contacta para axendar a túa sesión!
